كرة اليد، أعلن نادي البنك الأهلي ضم أحمد الأحمر نجم كرة اليد المصرية، قادما من نادي الزمالك، استعدادا للمشاركة في الموسم الجديد.

أول تعليق من أحمد الأحمر بعد انتقاله لنادي البنك الأهلي

وقال الأحمر في تصريحات عبر صفحته الرسمية على موقع التواصل الاجتماعي “فيس بوك”: 

"في البداية حابب أشكر نادي البنك الأهلي على انضمامي ليهم وثقتهم فيا وإنهم حابين يعملوا مشروع محترم، ويوصلوا لمكان أحسن ولتوفير كل الإمكانيات للوصول للهدف ده.

أنا عجبني المشروع جدا، ويشرفني أكون جزء منه لسببين:

السبب الأول أن الفريق عنده هدف أنه يكون في مكانة أحسن، والتاني أني هستمتع وألعب من غير أي ضغوط من اللي مريت بيها آخر ٣ سنين.

لأني بحب الهاند بول جدا، وفعلا لسه عايز أشبع منها… 

ناس كتير مش فاهمة، فحبيت أشرح ده والموضوع بعيد برضه عن الماديات، ومن غير شرح عشان دي حاجه تخصني.

في النهاية بقى نادي الزمالك ده بيتي اللي اتربيت فيه، واللي بعتبر نفسي جزء منه، وهو بالنسبة لي كل حاجة، وعمر ما فيه حاجة هتأثر على شعوري ناحية البيت اللي اتربيت فيه عمري كله.
نادي الزمالك طول عمره كبير، وهيفضل كبير بولاده وجمهوره وكل اللي بيحبوه".

أحمد الأحمر يعلن رحيله عن الزمالك

وأعلن أحمد الأحمر، لاعب الفريق الأول لكرة اليد بنادي الزمالك، انتهاء رحلته رسميًّا مع القلعة البيضاء، بعد ختام بطولات الموسم الحالي 2025/ 2026.

وقال أحمد الأحمر: "بانتهاء الموسم تنتهي مسيرتي مع نادي الزمالك، حابب أشكر الجمهور اللي دايمًا كان في ضهرنا، وكل الناس اللي لعبت معاهم وكل المدربين، وكل واحد قابلته في مشواري، حابب أشكر كل الناس دي".

وأكمل: "يمكن كان في صعوبة في آخر 3 سنين لأن كان في تغيير كبير في شكل الإستراتيجية اللي الفرقة كانت بتمشي بيها من أول ما طلعت الفريق الأول، واللي طول عمرنا ماشيين بيها، لكن في الأول والآخر نادي الزمالك هيفضل كبير، وإن شاء الله البطولات هترجع تاني".