كشف نجم الجيل الفنان تامر حسنى عن كواليس أغنية “يا خسارتنا” من كلمات عمرو مصطفى وألحان أحمد عادل التى طرحت ضمن ألبومه الجديد “مش هتكرر”.

كواليس أغنية يا خسارتنا للمطرب تامر حسني

وأكد تامر حسنى عبر خصية “الستورى” بحسابه الرسمى على موقع التواصل الاجتماعى “انستجرام”، أن أغنية “يا خسارتنا تم تسجيها وتلحينها فى آخر 10 ساعات قبل طرح ألبومه ”مش هتكرر"، موضحًا: “احنا بنطلع الماستر عند هاني محروس كان قدامنا 10 ساعات ونستلم الماستر، دخل عليا عمرو مصطفى قالي اسمع الأغنية دي لسه عاملها في الإشارة، سمعهالي أثرت فيا أوي. قولتله هغنيها فورا وهنزلها في الألبوم قولنا عايزين حد عنده مشاعر وسريع، كلمنا الرائع أحمد عادل”.

واضاف المطرب أن أحمد عادل هو من قام بتلحين أغنية "بعيش" عام 2006، موضحًا: “قولتله ألبومي قدامه 10 ساعات، عايزك تجيلي حالا باللاب توب عشان توزعلي أغنية في الشارع، قالي في الشارع ليه طيب قولتله عشان ستوديو هاني محروس بيطلع منه الماستر ومشغول”.

وتابع حسني: “فجالنا أنا وعمرو باللاب توب قعدنا ساعتين بنشتغل في الشارع بين عربيتين على الرصيف واندمجنا روحنا مكملين في المطبخ تقريبًا 8 ساعات شغالين وأحمد قال هنام ساعتين وأصحى أطلع الأغنية قولتله وأنا أكون روحت الستوديو عندي سجلتها وبعتلك تراك صوتي”.

وأوضح: “وفعلًا كل ده حصل في وقته، ونزلت الأغنية وحقيقي فرحان إن إحساسها اللي وصلي من عمرو عرفت أوصله ليكم بموسيقى الرائع أحمد عادل. شكرا يا أحمد على تعبك في أغنية يا خسارتنا وعلى ذوقك وشطارتك وإحساسك”.

ألبوم تامر حسني الجديد

ويضم ألبوم تامر حسني الجديد أغنيات: “بنت مين”، “وش الخير”، “يا خسارتنا”، “ما تيجي”، “مولعينها”، “عايزك توعديني”، “قال فاكريني”، “مش هتكرر"، “في القلب انت”، “ماتمشيش”، “بعيش على الذكرى”، “دهب قشرة ”، “متأثر بغيابه”، “اتحامى فيا”. 

ألبوم مش هتكرر لـ تامر حسني 

ويشهد ألبوم “مش هتكرر” تعاون تامر حسني مع نخبة من أبرز صناع الأغنية في الوطن العربي، إذ يشارك في كتابة أغانيه كل من: أمير طعيمة، تامر حسين، أحمد المالكي، مصطفى ناصر، مصطفى حدوتة، محمد القاياتي.

أما الألحان، فيتعاون فيها مع كل من: عمرو مصطفى، محمد يحيى، عزيز الشافعي، إيهاب عبد الواحد، بلال سرور، وكريم محسن.

ويتولى التوزيع الموسيقي للألبوم كل من: عادل حقي، جلال فهمي، النابلسي، جلال الحمداوي، شريف مكاوي، خالد نبيل، أحمد عبد السلام، يحيى يوسف، كلوبكس، إلهامي دهيمة، وأحمد حسام.