استغاث عدد من أهالي مركز حوش عيسى التابع إلى محافظة البحيرة، وذلك بسبب تهالك كوبري عبد مما يشكل ذلك خطورة على حياتهم وسلامة أبنائهم، نظرًا لتردد عدد كبير من الأهالي على الكوبري بشكل يومي في تنقلاتهم.

استغاثة أهالي حوش عيسى بسبب تهالك كوبري عبد

وقال أحد الأهالي: الكوبري ده بقاله سنين موجود وبنشتكي بسبب إن الحديد ظهر فيه، وللأسف أي ترميم بنعمله في الكوبري مش بتكمل وبتبوظ تاني وأصبح آيل للسقوط.

وأضاف أن كوبري عبد يربط بين قرى حوش عيسى والظهير الصحراوي، لذلك فيعتمد عليه الأهالي بشكل يومي، إلا أن حالته أصبحت متهالكة ويحتاج إلى تدخل فوري وعاجل.

وتابع: إحنا ملناش غير الكوبري ده اللي بنعدي منه، والحديد بتاعه بقى ظاهر وجوانب الحديد بتفتح، وعملنا قبل كده ترميمات قبل كده ولكن حالته مش هتنفع معاه ترميمات، ومحتاج يتهد ويتبني من أول وجديد.

وأوضح أحد الأهالي أن الكوبري عبد يزدحم يوميًا بسبب كثرة توافد المواطنين عليه وكذلك المركبات، لافتًا إلى أنه آيل للسقوط لذلك فإنهم يواجهون خطرًا حقيقيًا.