أشارت الفنانة ريم سامي خلال لقاءها مع الإعلامية إنجي علي في برنامج أسرار النجوم المذاع على راديو نجوم إف إم، أنها إذا رغبت في تغيير قانون في الدولة أو إضافة قانون جديد سيكون معاشا للمطلقات، فقد أصبحنا نرى عينة من النساء التي تدخل في اكتئاب شديد بسبب قلة الأموال وقلة الحيلة بعد الطلاق.
ريم سامي: نفسي يعملوا معاش المطلقات
وقالت ريم سامي في تصريحات رصدها موقع تحيا مصر: نفسي يعملوا معاش للمطلقات عشان متبقاش مكبوتة بالشكل اللي شوفناه ده.. والبنت اللي بتقبل انها تضرب بتكون مش مصدقة إنها حاجة أو تستاهل أحسن من كدة.
وكانت قد صرحت ريم سامي أيضا، قائلة: "محمد سامي أبويا مش أخويا ونفسي أرجع اشتغل معاه تاني لأني اتعلمت منه كتير جدا وبحب مي عمر أكتر من سامي".
ريم سامي تروي أكثر المواقف صعوبة لها
وكانت قد روت ريم سامي أكثر المواقف الصعبة التي مرت بها، مشيرة إلى حادث طفلها الرضيع الذي لم يتجاوز الـ 7 أشهر: ابني كان بيلعب مع جوزي وفاجأة سمعت صوت هبدة في الدريسنج روم، في حاجة زحلقتهم فوقعوا على الأرض من كتر الخضة خوفت أقوم أشوف اي حصل، لما طلعت لقيت محمد جوزي واقع على الأرض وابني جنه وبيقولي خدي سيف وروحي المستشفى بسرعة، لأنه كان دايخ مش قادر يقوم ومن منظره أنا اتخضيت عليه قبل سيف.
وأضافت: خدت ابني وجريت بالبيجامة بيه على المستش عنفى لأنه بدأ يفقد الوعي مكنتش عارفة اتصرف وأخت جوزي اللي اتصرفت في كل حاجة، أنا من كتر الخوف وصعوبة اليوم كنت ماسكة ايد جوزي وعمالة أعيط بس أنا شوفت خوف ربنا ما يوريه لأي أم، ده كان أصعب حاجة مرت عليا في حياتي.
آخر أعمال ريم سامي
يذكر أنه كانت قد جسدت ريم سامي دور "همت" في مسلسل علي كلاي ابنة المعلم منصور الجوهري، وهي شخصية وصفتها ريم نفسها بأنها شريرة بالصدفة، فـ"همت" في الأصل طيبة القلب، لكنها تقع تحت تأثير زوجها المخادع "جلال" الذي جسده محمد ثروت، ما يدفعها لارتكاب تصرفات قاسية لا تعبر عن حقيقتها. تعاني الشخصية من ضعف في اتخاذ القرار وتميل لاتباع زوجها دون اعتراض، حتى إنه أجبرها على العمل كراقصة.
0 تعليق