قال الرئيس عبدالفتاح السيسي خلال كلمته بحفل عيد الشرطة الـ73 إنَّ الدولة المصرية منشغلة بالتعمير والبناء ولكن هناك من تمكّن الغل والحقد منهم، موضحًا «في ناس الغل والحقد صعب جدًا في قلوبها، ومش قادرين يستحملوا يشوفوا حاجة جميلة، عاوزين يهدوا ويدمروا ويخربوا كل حاجة، وبيعتقدوا إن كدا مصر ممكن تتبني، وقولت الكلام ده كتير قبل كدا».

وأضاف الرئيس السيسي: «بقول للمصريين اطمئنوا، محدش بفضل الله يقدر يمسكم أو يمس هذا البلد أو ينال من أمنه أو استقرار، ومش علشان قوتنا أو جيشنا أو شرطتنا، وعمره ما هيكون غير شرطة وجيش مصر، ومش بتوع حد تاني ولو دي بلدنا ودول ولادنا يا ترى هنقدر ونحافظ ولا لأ، كلٌ في مكانه وموقعه».

الرئيس السيسي: مصر دولة لا يستطيع أحد تهديها

شدد الرئيس عبدالفتاح السيسي على أن مصر دولة لا يستطيع أحد تهديها.

وأضاف الرئيس: «لازم أنا كمسؤول أطمنكوا، وأنا مطمئن، ولكن في تطورات على حدودنا المختلفة ممكن تكون الناس قلقانة، والقلق ده مشروع أنك تكون خايف على بلدك، بنبذل أقصى ما في وسعنا وربنا فوق الكل ومطلع علينا أننا لا بنعتدي ولا بنتآمر على حد، وإحنا داخل بلدنا وحدودنا بنبني ونعمر».