قال الرئيس عبدالفتاح السيسي إننا يمكننا الشعور بتحسن الأمور بشكل كبير إذا استطاعت الدولة الإنفاق بدون دَين، «لما نستلف علشان نعوض الفجوة الاقتصادية الناس بتقول نفسنا الدين يتوقف وأنا نفسي والله، ولكن يتوقف إزاي؟، هل ممكن نخلي العربيات يوم أه ويوم لأ؟، كلام صعب أوي، تخفيض ساعات تشغيل الكهرباء كان يعوض الدولة بحوالي 3 مليارات دولار في العام لتوفير الغاز أو المازوت ولكن أي مستثمر هييجي عندنا وإحنا موقفنا كدا». 

الإنفاق على البنية الأساسية كان في أولويات الدولة

وأضاف الرئيس السيسي، خلال حديثه على مأدبة غداء على هامش احتفالية عيد الشرطة الـ73، ظهر اليوم، «الإنفاق على البنية الأساسية كان في أولويات الدولة وكان أمر لا بد منه، ولو قدرنا نوفر موارد دولارية تكفي إنفاق الدولة، ومش عاوز أقلق الناس ولكي ده أحد عناصر الدنيا اختبارات مختلفة وتدافع بين الدول ودول تطلع ودول تنزل وكل ده أمر طبيعي، وإحنا بنسعى لإصلاح حقيقي، ونسعى لبناء دولة قادرة وحديثة وديموقراطية، وإحنا بنعمل ده خلونا نوعي نفسنا علشان البلد مش في رقبة واحد دي في رقبتنا كلنا».